നിയമ വ്യവസ്ഥകള്
ചോറ്റാനിക്കര ഗ്രാമപഞ്ചായത്ത്
♻️ മാലിന്യ സംസ്കരണം — നിയമ വ്യവസ്ഥകൾ
മാലിന്യ സംസ്കരണവുമായി ബന്ധപ്പെട്ട നിയമങ്ങൾ, പൗരന്മാരുടെയും സ്ഥാപനങ്ങളുടെയും ഉത്തരവാദിത്വങ്ങൾ, പിഴകൾ, നിയമനടപടികൾ എന്നിവയെക്കുറിച്ചുള്ള വിവരങ്ങൾ.
നിയമവിവരങ്ങൾ ഒറ്റനോട്ടത്തിൽ
കേരള പഞ്ചായത്ത് രാജ് ആക്ട്, കേരള മുനിസിപ്പാലിറ്റി ആക്ട് എന്നിവയിൽ മാലിന്യ സംസ്കരണവുമായി ബന്ധപ്പെട്ട പ്രധാന വ്യവസ്ഥകൾ.
മാലിന്യം വലിച്ചെറിയൽ
പൊതു സ്ഥലങ്ങളിലോ സ്വകാര്യ സ്ഥലങ്ങളിലോ മാലിന്യം വലിച്ചെറിയുന്നതുമായി ബന്ധപ്പെട്ട വ്യവസ്ഥകൾ.
സ്ഥാപനങ്ങളുടെ ശുചിത്വം
കടകളും വാണിജ്യ സ്ഥാപനങ്ങളും പരിസരം വൃത്തിയായി സൂക്ഷിക്കേണ്ട ഉത്തരവാദിത്വം.
മാലിന്യം വേർതിരിക്കൽ
മാലിന്യം വേർതിരിച്ച് തദ്ദേശ സ്ഥാപനത്തിനോ അംഗീകൃത ഏജൻസിക്കോ കൈമാറൽ.
യൂസർ ഫീസ്
മാലിന്യ ശേഖരണവുമായി ബന്ധപ്പെട്ട യൂസർ ഫീസ് അടയ്ക്കേണ്ട ഉത്തരവാദിത്വം.
ഖരമാലിന്യ നിയന്ത്രണം
ഖരമാലിന്യം നിശ്ചിത രീതിയിൽ സംഭരിക്കുകയും കൈകാര്യം ചെയ്യുകയും ചെയ്യുക.
നിയമനടപടികളും പിഴകളും
നിയമലംഘനങ്ങൾക്കുള്ള പിഴ, പ്രോസിക്യൂഷൻ, മറ്റ് നടപടികൾ എന്നിവ.
01. മാലിന്യവുമായി ബന്ധപ്പെട്ട പ്രധാന വ്യവസ്ഥകൾ
നിയമവകുപ്പ്, കുറ്റത്തിന്റെ വിശദാംശം, നടപടിക്രമം, പിഴ, ചുമതലയുള്ള അധികാരി എന്നിവ താഴെ നൽകിയിരിക്കുന്നു. മൊബൈലിൽ പട്ടിക വശത്തേക്ക് നീക്കി വായിക്കാം.
പ്രധാന നിയമവകുപ്പുകളും പിഴകളും
കേരള പഞ്ചായത്ത് രാജ് ആക്ട് / കേരള മുനിസിപ്പാലിറ്റി ആക്ട്
| പഞ്ചായത്ത് രാജ് ആക്ട് | മുനിസിപ്പാലിറ്റി ആക്ട് | വകുപ്പ് വിശദാംശം | നടപടിക്രമം | മറ്റ് നടപടികൾ | പിഴ / ശിക്ഷ | ചുമത്തേണ്ട അധികാരി | പിഴ ഒടുക്കിയില്ലെങ്കിൽ |
|---|---|---|---|---|---|---|---|
| 219എൻ | 340 | പൊതു സ്ഥലങ്ങളിലേക്കോ സ്വകാര്യ സ്ഥലങ്ങളിലേക്കോ മാലിന്യം വലിച്ചെറിയുന്നത്. | സ്പോട്ട് ഫൈൻ | — | ₹5,000 വരെ | സെക്രട്ടറി / അധികാരപ്പെടുത്തിയ ഉദ്യോഗസ്ഥൻ | പ്രോസിക്യൂഷൻ |
| 219എ | — | കടകളുടെയും വാണിജ്യ സ്ഥാപനങ്ങളുടെയും പരിസരം വൃത്തിയായി സൂക്ഷിക്കാത്തത്. | സ്പോട്ട് ഫൈൻ | — | ₹5,000 വരെ | സെക്രട്ടറി / അധികാരപ്പെടുത്തിയ ഉദ്യോഗസ്ഥൻ | പ്രോസിക്യൂഷൻ |
| — | 335 | കടകളുടെയും വാണിജ്യ സ്ഥാപനങ്ങളുടെയും പരിസരം വൃത്തിയായി സൂക്ഷിക്കാത്തത്. | കുറ്റാരോപിതനെ കേട്ട ശേഷം സെക്രട്ടറി പിഴ ചുമത്തൽ. | — | ₹5,000 വരെ | സെക്രട്ടറി | പ്രോസിക്യൂഷൻ |
| 219എസി | 326സി | മാലിന്യം വേർതിരിച്ച് തദ്ദേശ സ്വയംഭരണ സ്ഥാപനത്തിനോ അംഗീകൃത ഏജൻസിക്കോ കൈമാറാതിരിക്കുന്നത്. | കുറ്റാരോപിതനെ കേട്ട ശേഷം സെക്രട്ടറി പിഴ ചുമത്തൽ. | — | ₹1,000 മുതൽ ₹10,000 വരെ | സെക്രട്ടറി | റവന്യൂ റിക്കവറി |
02. അധിക മാലിന്യ നിയന്ത്രണ വ്യവസ്ഥകൾ
യൂസർ ഫീസ്, ഖരമാലിന്യ സംഭരണം, മലിനജല നിർമാർജനം, ഉറവിടത്തിലെ മാലിന്യ സംസ്കരണം എന്നിവയുമായി ബന്ധപ്പെട്ട വ്യവസ്ഥകൾ.
നിയമലംഘനങ്ങളും തുടർനടപടികളും
നടപടികൾ സ്വീകരിക്കുന്നതിന് ബാധകമായ നിയമവും സാഹചര്യവും പരിശോധിക്കുക.
| പഞ്ചായത്ത് രാജ് ആക്ട് | മുനിസിപ്പാലിറ്റി ആക്ട് | ലംഘനത്തിന്റെ വിശദാംശം | നടപടിക്രമം | മറ്റ് നടപടികൾ | പിഴ / ശിക്ഷ | അധികാരി | പിഴ ഒടുക്കിയില്ലെങ്കിൽ |
|---|---|---|---|---|---|---|---|
| 219എഡി | 326D | യൂസർ ഫീസ് നൽകുന്നതിൽ വീഴ്ച വരുത്തുന്നത്. | വീഴ്ച വരുത്തിയ വ്യക്തിയെ കേട്ട ശേഷം സെക്രട്ടറി പിഴ ചുമത്തൽ. | ഫീസ് അടയ്ക്കുന്നതുവരെ തദ്ദേശ സ്ഥാപനത്തിലെ സേവനങ്ങൾ നിഷേധിക്കാവുന്നതാണ്. | പ്രതിമാസ യൂസർ ഫീസിന്റെ 50% | സെക്രട്ടറി | റവന്യൂ റിക്കവറി |
| 219ബി | 327 | നിർദേശിച്ച രീതിയിൽ ഖരമാലിന്യം സംഭരിക്കുന്നതിനും നിക്ഷേപിക്കുന്നതിനുമുള്ള മാലിന്യ ഉൽപ്പാദകരുടെ ചുമതലകളിൽ വീഴ്ച വരുത്തുന്നത്. | കുറ്റാരോപിതനെ കേട്ട ശേഷം സെക്രട്ടറി പിഴ ചുമത്തൽ. | — | ₹1,000 മുതൽ ₹10,000 വരെ | സെക്രട്ടറി | റവന്യൂ റിക്കവറി |
| 219കെ | 337 | ഉപയോഗിച്ച വെള്ളം പൊതു സ്ഥലങ്ങളിലേക്കോ ജലാശയങ്ങളിലേക്കോ ഒഴുക്കുന്നത്. | കുറ്റാരോപിതനെ കേട്ട ശേഷം സെക്രട്ടറി പിഴ ചുമത്തൽ. | മലിനജലം ഒഴുക്കുന്ന പൈപ്പ്, ട്യൂബ് അല്ലെങ്കിൽ മറ്റ് മാർഗങ്ങൾ അടയ്ക്കുകയോ മൂടുകയോ നീക്കം ചെയ്യുകയോ ചെയ്യുക. | ₹5,000 മുതൽ ₹50,000 വരെ | സെക്രട്ടറി | റവന്യൂ റിക്കവറി |
| 219എച്ച് | 334 | താമസസ്ഥലമല്ലാത്ത പരിസരങ്ങളിൽ അടിഞ്ഞുകൂടിയ ചവറും ഖരമാലിന്യങ്ങളും നീക്കം ചെയ്യാതിരിക്കുന്നത്. | പ്രോസിക്യൂഷൻ | — | ₹10,000 വരെ | ഫസ്റ്റ് ക്ലാസ് ജുഡീഷ്യൽ മജിസ്ട്രേറ്റ് | — |
| 219ഐ | 334എ | ബൾക്ക് വേസ്റ്റ് ജനറേറ്റർമാർ (BWG) ഖരമാലിന്യം / മലിനജലം ഉറവിടത്തിൽ തന്നെ യഥാക്രമം കൈകാര്യം ചെയ്യാത്തത്. | പ്രോസിക്യൂഷൻ | കെട്ടിട ലൈസൻസ്, ബിൽഡിംഗ് നമ്പർ, വർക്കിംഗ് പെർമിറ്റ് എന്നിവ റദ്ദാക്കൽ. | 6 മാസം മുതൽ 1 വർഷം വരെ തടവ് അല്ലെങ്കിൽ ₹1,000-ൽ കുറയാത്ത പിഴ | ഫസ്റ്റ് ക്ലാസ് ജുഡീഷ്യൽ മജിസ്ട്രേറ്റ് | ഫസ്റ്റ് ക്ലാസ് ജുഡീഷ്യൽ മജിസ്ട്രേറ്റ് |