മാലിന്യ നിക്ഷേപം റിപ്പോര്ട്ട് ചെയ്യുന്നതിന്- വാട്ട്സ്അപ്പ് നം.
ചോറ്റാനിക്കര ഗ്രാമപഞ്ചായത്ത്
മാലിന്യസംസ്കരണം – വാട്സ്ആപ്പ് പരാതി പരിഹാര സംവിധാനം
ശുചിത്വമുള്ള ചോറ്റാനിക്കര, സുസ്ഥിരമായ നാളെ
ചോറ്റാനിക്കര ഗ്രാമപഞ്ചായത്ത് പരിധിയിലെ മാലിന്യസംസ്കരണവുമായി ബന്ധപ്പെട്ട പരാതികളും നിർദേശങ്ങളും അറിയിക്കുന്നതിനായി സിംഗിൾ വാട്സ്ആപ്പ് നമ്പർ സജ്ജീകരിച്ചിരിക്കുന്നു.
മാലിന്യശേഖരണത്തിലെ വീഴ്ചകൾ, പൊതുസ്ഥലങ്ങളിൽ മാലിന്യം നിക്ഷേപിക്കൽ, റോഡരികുകളിലും ജലാശയങ്ങളിലും മാലിന്യം കെട്ടിക്കിടക്കുന്നത്, ശുചിത്വപ്രശ്നങ്ങൾ തുടങ്ങിയവ സംബന്ധിച്ച പരാതികൾ പൊതുജനങ്ങൾക്ക് വാട്സ്ആപ്പ് മുഖേന അറിയിക്കാവുന്നതാണ്.
പരാതി അറിയിക്കേണ്ട വിധം
പരാതി സമർപ്പിക്കുന്നതിനുള്ള ഘട്ടങ്ങൾ
- പ്രശ്നത്തിന്റെ വിശദാംശങ്ങൾ വ്യക്തമായി വാട്സ്ആപ്പ് സന്ദേശമായി അയയ്ക്കുക.
- പ്രശ്നം നിലനിൽക്കുന്ന സ്ഥലത്തിന്റെ പേര്, വാർഡ് നമ്പർ, കൃത്യമായ ലൊക്കേഷൻ എന്നിവ ഉൾപ്പെടുത്തുക.
- സാധ്യമെങ്കിൽ പ്രശ്നത്തിന്റെ ഫോട്ടോയും അയയ്ക്കുക.
- പരാതിക്കാരന്റെ പേരും ബന്ധപ്പെടാനുള്ള ഫോൺ നമ്പറും നൽകുക.
തുടർനടപടികൾ
ലഭിക്കുന്ന പരാതികൾ ബന്ധപ്പെട്ട വിഭാഗത്തിന്റെ ശ്രദ്ധയിൽപ്പെടുത്തി ആവശ്യമായ തുടർനടപടികൾ സ്വീകരിക്കുന്നതാണ്.
പൊതുജനങ്ങളോട് അഭ്യർത്ഥിക്കുന്നു
ജൈവം
അജൈവം
മാലിന്യം അലക്ഷ്യമായി വലിച്ചെറിയാതിരിക്കുക. ജൈവ-അജൈവ മാലിന്യങ്ങൾ ഉറവിടത്തിൽത്തന്നെ തരംതിരിക്കുക. ശുചിത്വമുള്ള ചോറ്റാനിക്കര ഗ്രാമപഞ്ചായത്ത് യാഥാർഥ്യമാക്കുന്നതിനായി പഞ്ചായത്തിനൊപ്പം കൈകോർക്കുക.
നമ്മുടെ നാട്, നമ്മുടെ ഉത്തരവാദിത്വം.